1Cor 4 | MCQ | STEP | 'Enakúne veje emaa nú Keriso oni pwehija 'ee Godoni hemiji 'ajoha'ina'e kú'avara.

1 Corinthians 4

Keriso Oni Apasorua

1 'Enakúne veje emaa nú Keriso oni pwehija 'ee Godoni hemiji 'ajoha'ina'e kú'avara. 2 Ikehuna'e ea irahija'e 'ajoha'ina re'avajaho ea kajija paucha'asahi'ina'e re'avara. 3 Jara mwe'a kehuni 'otuhuni 'unamijino na namihujaho ni'ima'ura pana. 'Enakaivo na onuno pakakarame pavwihajura. 4 'Ene nuni vwiha ijaho arira 'ee unenu'u pini na namihuna pana. 'Enakaivo ijara reje na arira rehuna pana kaivo Natohwijara Huhusu na piuhihe kihuna. 5 'Enajihuna'e marako vu'a nimaijaho pahe'i kaivo ea namaha va'ava. 'Enakaivo masuani 'aja'eje Natohwijara ro'amajino iraka ka'ene nututi tanume navujija veje roe samaumaa re'amana. 'Ene emaa huni oja vaji ichá'inijaho Hura veje roe samaumaa'e rehuna. 'Ejakame ea kwinu kwino ta'arorahujaho Godina'i rena rohuna. 6 'Ena'omo vwehu nune na iviamaa uneunechakija nuni toi veji'i hiju'e Aporasi 'u'o jonijihuna'e ija'ina venu. 'Ejakame ijí iraka ka'ene vene 'waravajaho ja núni vaji hena kúme vehuna. 'Ejakame ira ka'ene vene 'waravajaho ja paasisame kaha'ahuni va'e 'ee ea 'aho pu'úmo ninakarame jarika pare'avara. 7 Irara venaue ja natohwa'e rene namijo? 'Ene ja ivi'a pina irakiji paapejare? Ja niapejara'e re'avajaho vu irakijihuna'e ja paapejare puna'i kehi kehi vejo? 8 Ja vwihajujaho ja niroe areri rena paraniana roju 'ee ja uneunecha rukima'ura rejara roju. 'Ene ja nú pa'a kinia'e rejara'omo na ura reniujaho ja nimaa'e roe kinia'e rejakame nú ja pu'úmo ea 'ajoha'ina'e re'ipisana roju. 9 'Enajihuna'e na vwihajujaho Godi nú apasorua túchamai 'eke nú namahe 'ania kwamasahuna'e 'waravu'e hijuja'ina'e irechamúana. Ijihuni maijaho nú 'ona oji'ina 'ee emaa ijihipo riru'avarono irechamúu'e hiju. 10 Nú Keriso onijihuna'e vwiha pa'anepo vejuja'ina'e veju kaivo ja Keriso oni vaji hami vwihaji'ina reju roju. 'Ene nú harura pa'arenujaho ja harura rukina roju. 'Ene pu ja 'eke niriri irechamiura kaivo pu núni hura pavejura. 11 'Ene ike iviamaa veakaho nú matunume 'ee toa hunume 'ee kukua maa pasame 'ee siseisei 'ahúe 'ee ara pa'ana'e renúu. 12 'Ene nú niho'o kaukara ahisina onúno núni iji vejara. 'Ene ea ka'ene nú ira sisea 'waruvajija nú merajihura 'ee pu nú sise'i 'ahúajaho nú kirasahe hijura. 13 Vea ka'ene nú ronuhe 'wavujaho nú eha mamaa pununa'i vejura. 'Ene nú iviamaa roe vea ikino nú mwe'akino ea ka'ene maa pa'ajihi reju. 'Ene uneunecha maho'o kehi puni túa sa'ina'e reju. 14 Ikijahija ja juna'avarono na vehuna pana kaivo ja nuni harihija ka'ene na oja mihure sa'ini jihuna'e na ja ni'ajihe 'waravu. 15 Ijihuna'e Keriso oni vaji joni najahi'ina mapoka mapoka re'ipisa joni oma mapoka pa'ana'e reja'a. Ijihuna'e ike vu'a maa maiu'ina vajakino na Keriso oni vaji joni oma'e rejuta. 16 Ijihuna'e na ja jariravukúne ja na'ia mapoka nara vejuja'ina'e hina ve'avara. 17 Ijihuna'e Timoti nuni hariha ka'ene Natohwi jihuni vaji na oja mahe 'ee pauchavi'inijaho ranavu'e vu'u. 'Ene hura nuni 'unama ka'ene Keriso oni vajijaho niareri nara kwaa ichihichihi sosia mapoka vajijino najahu ja'ina'e ja 'u'o 'uname najahe 'warahuna. 18 'Ene na jona paro'eju ronareja ja ea 'aho'a kehi kehi jonano vejara. 19 'Enakaivo Natohwijara ura re'amajaho na túna'i mai'o vu'e ki'eju. Vea ka'ene na vu'uji'a ea ka'ene kivasuame ma iraru 'waravu jihipuni harurijija kihuna. 20 Ijihuni maijaho Godoni arijaho ma iraru 'wavi'ina pana kaivo haruriji'ina. 21 Ja iraka ura renao? Na vu'e ichi hijihahuna ho masuani ajuarane oja mihi'i 'warahuna'e ura renao?